A Semana de Cinema Euroárabe AMAL 2018 prosegue o seu camiño mañá mércores, día 24, coa proxección de dúas novas cintas no Teatro Principal de Santiago, GHOST HUNTING e EL CAIRO CONFIDENCIAL que se poderán ver en versión orixinal subtituladas en español.
A mensaxe desta nova edición de Amal pretende achegar a cultura árabe e a galega, e para iso creáronse unha serie de tweets, co hashtag #EuSonOTeuVeciño, o fin de trasladar á sociedade mensaxes de xenofobia vistos en redes sociais, co obxecto de facer chegar a cultura árabe e alcanzar unha sociedade máis xusta e tolerante. Na primeira proxección das 20:00 horas, os espectadores poderán coñecer GHOST HUNTING, tamén chamada polo seu título orixinal Istiyad Ashbah, unha coprodución realizada entre Palestina, Francia, Suíza e Qatar. Trátase dun documental, rodado en 94 minutos, obra do director palestino RAED ANDONI, que se serviu da súa experiencia persoal nun centro de prisioneiros de Israel para finalmente crear unha produción de carácter documental con toques de ficción e experimentación. A documental conta como, para enfrontar as pantasmas que o obsesionan,
Raed Andoni decide construír unha réplica da Al- Moskobiya, principal centro de interrogatorio de Israel onde foi encarcerado aos 18 anos. Axudado por ex recluídos, tenta representar de novo unha historia que tivo lugar tras as paredes do lugar. Reúne a un grupo ecléctico de expresos palestinos para reconstruír o centro de investigación israelí no que foron todos encarcerados. Con todo, como sempre estaban cos ollos vendados, ningún deles sabe como era realmente ese lugar.
A cinta recibiu o premio ao mellor documental na Berlinale 2017.
RAED ANDONI naceu en Palestina en 1967. Comezou a súa carreira no cinema como produtor independente en 1998. Foi cofundador de Dar Films e produciu varias películas palestinas: “ Improvisation” (2005), a súa primeira longametraxe, e “ Fix Me” (2009), que se proxectou no Festival de Cinema de Sundance e no Festival de Cannes. “O Cairo Confidencial”, fenómeno de crítica e público.
Para a segunda sesión do día, ás 22:00 horas, o Teatro Principal proxectará EL CAIRO CONFIDENCIAL , unha película de ficción producida en 2017 por Suecia, Dinamarca, Exipto, Marrocos, Francia e Alemaña e dirixida por Tarik Saleh (106 minutos). Trátase dunha ficción detectivesca con asasinatos, corrupción e a caída do goberno exipcio, encaixada dentro do xénero de thriller político, baseada en feitos reais e ambientada na Primavera Árabe, que conseguiu converterse nun fenómeno de crítica e público en varios países. A película conta que, semanas antes da revolución exipcia de 2011, Noureddine, un oficial de policía do sistema corrupto do Cairo máis interesado en gañar diñeiro que en facer o ben, investiga o asasinato dunha famosa cantante no hotel Nile Hilton. O que inicialmente parece ser un crime pasional convértese en algo que concierne á elite do poder de Exipto.
A cinta recibiu o premio á mellor película World Cinema- Dramatic no Festival de Sundance 2017; o premio Espiga de Ouro ao mellor director e mellor guion no Seminci de Valladolid en 2017; foi nomeada a mellor película estranxeira nos Premios César en 2017; e recibiu cinco premios, incluíndo o de mellor película, nos Premios Guldbagge do cinema sueco en 2017.
TARIK SALEH é un director sueco, de orixe exipcia, e tamén grafitero. Dirixiu as longametraxes “ Metropia” e “ Tommy”, e un episodio recente da serie “ Westworld” co que gañou os premios principais nos festivais de Sundance e Valladolid.
As entradas poderanse retirar o mesmo día da proxección, unha hora antes do seu comezo, na billetera do Teatro Principal. Ademais, nesta edición poderanse comprar as entradas de forma online na web de VENDA DE ENTRADAS ABANCA