AMAL 21 chega mañá á súa cuarta xornada coa estrea en Galicia de “You will die at twenty”.



A cita será ás 21 horas no Teatro Principal, con entradas á venda en Ataquilla.com ou unha hora antes da proxección no despacho de billetes do Teatro Principal.


A Semana de Cinema Euroárabe AMAL 2021 celebrará mañá xoves, 28 de outubro, a súa cuarta xornada, coa proxección, ás 21:00 horas no Teatro Principal de Santiago ( rúa Nova, 21), da película “ You will die at twenty" ( Satamoto Fel Eshreen) en versión orixinal con subtítulos en castelán, co apoio do Festival de Cinema Africano de Tarifa (FCAT).



Longametraxe de ficción, dirixido por Amjad Abu Alala e coproducido por Sudán, Francia, Exipto, Alemaña, Noruega e Qatar en 2019. Sudán, provincia de Aljazira, na actualidade. Pouco despois do nacemento de Muzamil, o xefe relixioso do pobo a súa morte aos 20 anos. O pai de Muzamil non acepta esta maldición e abandona á súa familia. Sakina, a nai, ocúpase soa do seu fillo, protexéndoo en exceso. Pero un día, Muzamil cumpre 19 anos.


O DIRECTOR | AMJAD ABU ALALA


Amjad Abu Alala é un director e produtor sudanés. Traballou realizando documentais para canles de televisión árabes e occidentais e fixo varias curtametraxes con certo percorrido en diferentes festivais. A súa primeira película, “You will die at twenty”, foi premiada no Festival Internacional de Cinema de Venecia (Premio "Luigi de Laurentis, Venecia 2019), e recibiu outros premios como o de Mellor longametraxe de ficción na edición do FCAT 2020, así como os premios ao mellor filme no Al Gouna Film Festival e premio ao mellor director no Malmö Arab FF en 2019.


Entrevista Amjad Abu Alala (Venecia, 2019)

"Nós, o pobo sudanés, estamos a pedir a liberdade"



#AMAL21 #ORGULLO #LEGADO #CULTURA