Hoxe inaugurase AMAL cunha charla didáctica, en clave de humor, con Pablo Meixe e Jesús Núñez

Pablo Meixe: “Desde a comedia, tentareiaxudar a diferenciar conceptos como árabe e musulmán cosseus trazos culturais e relixiosos, sempre desde ou respecto” .


Celebrarase ás 21 horas no Teatro Principal de Santiago, con entrada libre previa retirada de invitación en Ataquilla.com





A Fundación Araguaney-Puente de Culturas dará comezo hoxe luns, 24 de outubro, á vixésima edición da Semana de Cinema Euroárabe AMAL 2022 no Teatro Principal de Santiago coa charla inaugural “20 anos de AMAL: O mundo árabe para dummies”, ás 21 horas, a cargo do cómico Pablo Meixe e o economista e militar retirado Jesús Núñez Villaverde. A entrada será gratuíta e de libre acceso ata completar o aforo do teatro. Poderanse solicitar as invitacións en Ataquilla.com e, se non se esgotan, no despacho de billetes do Teatro Principal unha hora antes do inicio do evento (máximo dúas invitacións por persoa).

Será unha charla en clave de humor na que se repasarán os acontecementos máis relevantes do mundo árabe nestas últimas dúas décadas, desde os conceptos máis básicos ata a actualidade xeopolítica. Aínda que a charla terá un ton serio e didáctico a cargo de Jesús Núñez, quen guiará a temática con apoio visual, tamén se contará co humor de Pablo Meixe que actuará como “follonero” facendo as preguntas máis incómodas.


“Hai instrucións de electrodomésticos máis sinxelas”. Esta frase de Meixe explica á perfección o enfoque da charla, coa que asegura o cómico preténdese concienciar sobre o mundo árabe en Occidente para desterrar estereotipos. “Desde a comedia, tentarei axudar a diferenciar conceptos como árabe e musulmán cos seus trazos culturais e relixiosos, sempre desde ou respecto” –comenta Meixe–.


Pablo Meixe é un cómico, mimo e clown galego que saltou á fama polas súas acertadas parodias en TikTok sobre situacións cotiás e de crítica social. Aínda que é un dos tiktokers máis queridos do país, a súa carreira como humorista comezou moito antes de que aparecese esta rede social, cunha longa traxectoria en teatro e en distintos programas de Televisión de Galicia, como Vos aspirantes ou Bamboleo. O sarcasmo e a expresión corporal é o que máis o caracteriza, algo que, sen dúbida, faille gañar o afecto e a confianza do público, empatizando con todos aqueles que acoden a ver o seu espectáculo.


Jesús Núñez Villaverde é licenciado en Ciencias Económicas pola Universidade Autónoma de Madrid, tamén profesor de Relacións Internacionais na Universidade Pontificia de Comillas. É experto en relacións internacionais, seguridade internacional, construción da paz e prevención de conflitos violentos no mundo árabe-musulmán. É presidente de UNRWA en España (Axencia da ONU para refuxiados palestinos), codirector do Instituto de Estudos sobre Conflitos e Acción Humanitaria (IECAH), así como membro do International Institute for Strategic Studies, e patrón da Fundación Araguaney-Puente de Culturas.