A Semana de Cinema Euroárabe AMAL 2019 prosegue o seu camiño mañá mércores, día 23, coa proxección de dúas novas cintas no Teatro Principal de Santiago, “Yomeddine” e “Hamada” que se poderán ver en versión orixinal subtituladas en español. As entradas poderanse retirar o mesmo día da proxección, a partir das 18:00 horas, na billetera do Teatro Principal por un prezo de tres euros. Esta edición enmárcase baixo o lema “17 anos facendo Compostela contigo”, un título co que se pretende evidenciar a estreita vinculación de Amal coa cidade de Santiago, tamén con toda Galicia e mesmo co exterior traspasando fronteiras.
Na primeira proxección das 20:00 horas, os espectadores poderán coñecer a longametraxe de ficción “Yomeddine”, película que se estrea en Galicia dirixida en 2018 polo escritor e director de cinema de orixe exipcia-austríaca Abu Bakr Shawki.
SINOPSE “Yomeddine”
A película conta a historia de Beshay, moza que nunca saíu da colonia de leprosos na que o abandonaron sendo un neno. Tras a morte da súa muller, decide coller as súas escasas pertenzas e ir en busca das súas raíces xunto a Obama, un mozo orfo que se une a el no camiño.
ABU BAKR SHAWKI
Abu Bakr Shawki marabillou a crítica e público con “Yomeddine”, a súa primeira longametraxe. O filme foi seleccionado para participar no Festival de Cinema de Cannes 2018.
Para a segunda sesión do día, ás 22:00 horas, o Teatro Principal proxectará o documental “Hamada”, unha coprodución de Suecia, Noruega e Alemaña dirixida en 2018 polo director galego Eloy Domínguez Serén, que charlará mañá co público de AMAL sobre a realidade do Sahara Occidental, acompañado por WAGE KORI, un saharauí residente en Galicia.
SINOPSE “Hamada”
Con vitalidade, humor e situacións inesperadas, “Hamada” traza un retrato insólito dun grupo de tres novos amigos de 25 anos que viven nun campamento de refuxiados no medio do deserto do Sahara, no de Tindouf (Alxeria). Un campo minado e o segundo muro militar máis grande do mundo separan a este grupo de amigos da súa terra natal da que só oíron falar nas historias dos seus pais. Chámaselles saharauís e foron abandonados neste campo de refuxiados no medio dun deserto pedregoso desde que Marrocos expulsounos do Sahara Occidental fai corenta anos. Sidahmed, Zaara e Taher pasan os seus días arranxando coches que realmente non poden levar a ningunha parte, loitando por un cambio político sen resposta e xuntos usan o poder da creatividade e o xogo para denunciar a realidade á súa ao redor e expandirse máis aló das fronteiras do campamento.
Hamada, que significa meseta árida, calcaria e rochosa das zonas desérticas, foi o título elixido por Eloy Domínguez para o documental, que se centrou no conflito do Sahara Occidental desde a visión dunha cuadrilla de mozos saharauís, un tema polo que o director confesa que se interesou desde a súa época de instituto. A partir de aí foise informando pola súa conta sobre a orixe, consecuencias, a responsabilidade española e a situación dos miles de persoas desprazadas a campos de refuxiados en Alxeria. En 2014, cando vivía en Suecia, Eloy púxose en contacto coa ONG CEAS, que lle permitiu visitar os campamentos. Traballando de profesor voluntario durante dous meses, desenvolveu unha relación íntima cos veciños e veciñas. Pero o seu interese e xa amizade coas xentes do lugar foi tal que regresou en varias ocasións, para finalmente pasar alí máis de sete meses no últimos catro anos e dar forma a este documental.
“O proxecto comezou como un retrato da comunidade saharauí a través da súa relación cos coches, posto que a mecánica e os vehículos teñen un gran protagonismo na cinta, aínda que a verdadeira historia céntrase nesta xeración de mozos saharauís que se enfrontan ao seu cotidianidad desde unha vitalidade e un sentido do humor admirables” –explica o director–.
ELOY DOMÍNGUEZ
Naceu en Simes (Meaño, Pontevedra. 1985). Estudou en Salamanca, Milán e Barcelona, onde se licenciou en 2010. Antes de debutar como cineasta, traballou como crítico de cinema tanto en radio como en prensa, chegando a formar parte do xurado xuvenil na 67ª Bienal de Venecia en 2010. En 2012 trasládase a Suecia, onde comeza os seus novos proxectos audiovisuais. Dirixiu sete obras, entre curtos e longametraxes e foi profesor de cinema nos campamentos saharauís. En 2017, “Hamada” foi seleccionada na Doc Station de Berlinale, obtivo os dous galardóns máis importantes do pasado Festival Internacional de Cinema de Xixón, o de Mellor Ópera Prima e do Xurado no Cinéma du Réel, e o de Mellor Documental no Tempo Film Festival de Suecia. Actualmente traballa en “The darker it gets”, unha produción sueca rodada no Círculo Ártico.
Ao final da proxección do documental Eloy Domínguez ofrecerá unha conferencia titulada “Po, area e soños: Un achegamento á realidade do Sahara Occidental”, acompañado por Wage Kori, un saharauí residente en Galicia.
AMAL, 17 ANOS FACENDO COMPOSTELA CONTIGO.