Programación
DESCARGA AQUÍ
PROGRAMA COMPLETO
LUNS 4 SETEMBRO, 21.00 H.
Teatro principal, Pontrevedra
1982 (DOC)
Oualid Mouaness | 2019 | O Líbano, Noruega, Francia, Qatar | 100’
Verán de 1982, o ano que cambiou O Líbano. Nas aforas da capital, Beirut, a vida permanece en tensa calma mentres se oen explosións e disparos. Con ese escenario bélico de fondo, Wissam, un neno de 11 anos, busca unha oportunidade para confesarlle o seu amor a unha compañeira de clase.
_2%20low.jpg)
MARTES 5 SETEMBRO, 21.00 H.
Teatro principal, Pontevedra
THE CAPTAINS
OF ZAATARI (DOC)
Ali El Arabi | 2021 | Exipto, Xordania, Reino Unido | 73’
Fawzi e Mahmound son dous amigos sirios que viven en Zaatari, un campo de refuxiados de Xordania. Os dous mozos, que soñan con que se converteren en xogadores de fútbol profesionais, ven como o seu futuro pode cambiar cando unha academia de fútbol chega a Zaatari coa intención de fichar novos xogadores.
_1.jpg)
MÉRCORES 6 SETEMBRO, 21.00 H.
Teatro principal, Pontevedra
FARHA (FIC)
Darin J. Sallam | 2021 | Xordania | 92
Palestina, ano 1948. Farha, unha rapaza de 14 anos, soña con ir á escola e abandonar a dura vida no campo. Os seus soños acaban saltando polo aire cando un día de maio as forzas de ocupación israelís invaden a súa vila e cercan o seu domicilio.
_1%20low.jpg)
XOVES 7 SETEMBRO, 21.00 H.
Teatro Principal, Pontevedra
MAYOR (DOC)
David Osit | 2020 | Estados Unidos, Reino Unido | 89’
Fawzi e Mahmound son dous amigos sirios que viven en Zaatari, un campo de refuxiados de Xordania. Os dous mozos, que soñan con que se converteren en xogadores de fútbol profesionais, ven como o seu futuro pode cambiar cando unha academia de fútbol chega a Zaatari coa intención de fichar novos xogadores.
_1.jpeg)
VENRES 8 SETEMBRO, 21.00 H.
Teatro principal, Pontevedra
YOU RESEMBLE ME (FIC)
Dina Amer | 2021 | Exipto, Francia, Estados Unidos | 94’
Quen era Hasna Aït Boulahcen? You Resemble Me cóntanos a historia desta moza que medrou nos suburbios de París, cunha vida marcada polos abusos, a pobreza e a marxinación. Unha espiral de autodestrución que acabaría desembocando nun dos episodios máis dolorosos da historia recente de Francia.
_1.jpeg)
%2C%20silkscreen%20(courtesy%20the%20art.webp)
Carta do director
Cumpríronse 20 anos desde que a Fundación Araguaney - Puente de Culturas puxo en marcha o Festival de Cine Euroárabe Amal, a iniciativa cultural cinematográfica máis importante e máis lonxeva do audiovisual sobre o mundo árabe.
Esta cita coa reivindicación social, a tolerancia e a concordia dos pobos, foise consolidando como un referente e fidelizou espectadores de todas as idades, xerando un debate crítico e actual sobre o mundo árabe e a súa achega á cultura universal.
Setembro de 2023 marca 8 anos de andaina de Amal en Pontevedra, un tempo no que este certame foi crecendo en compromiso social e se converteu en voceiro de persoas que necesitan ser oídas e de historias que necesitan ser contadas. Todas merecen estar na nosa memoria. Todas teñen cabida no lugar común da nosa civilización: a tolerancia.
Amal en Ruta volve ser, un ano máis, a gran ponte cultural entre Oriente e Occidente a través de películas e documentais comprometidos co que importa de verdade: o respecto á dignidade humana, algo que nesta edición visibilizamos con temáticas sobre a muller e a infancia.
A “BANDEIRA DA SANDÍA”de Khaled Hourani
En 1967, tras a Guerra dos Seis Días, prohibiuse a bandeira palestina e a sandía converteuse nunha forma de burlar a prohibición das cores nacionais. Os cidadáns palestinos levaban anacos de sandía por todo o territorio como sinal de protesta.
En 1980 as forzas israelís arrestaron os artistas Nabil Anani, Sliman Mansour e Isam Bader e clausuraron a súa exposición nunha galería de Ramallah, por violar esta orde militar. Prohibíronlles non só pintar a bandeira palestina, senón tamén usar as súas cores na súa arte, “O oficial alzou a voz e dixo: incluso se debuxas unha sandía, será confiscada”, comentou Mansour.
Hourani inspirouse nesta frase e creou a obra “Watermelon Flag” para o proxecto artístico “Subjective Atlas of Palestine, 2007”.
O ano pasado, debido a unha maior censura de publicacións palestinas e relacionadas con Palestina, algúns activistas utilizaron emojis de sandía como alternativa visual á bandeira para evadir os algoritmos de censura sionistas e as prohibicións virtuais das redes sociais.
Ghaleb Jaber Martínez.