%2C%20silkscreen%20(courtesy%20the%20art.webp)
Cúmprense 20 anos desde que a Fundación Araguaney-Puente de Culturas puxo en marcha o Festival de Cine Euroárabe Amal, a iniciativa cultural cinematográfica máis importante e máis lonxeva do audiovisual sobre o mundo árabe.
Esta cita coa reivindicación social, a tolerancia e a concordia dos pobos, foise consolidando como un referente que, ademais, fideliza espectadores de todas as idades, xerando un debate crítico e actual sobre o mundo árabe e a súa achega á cultura universal.
Nesta edición tan especial queremos compartir a obra do artista palestino Khaled Hourani, unha obra cunhas cores que contan a difícil situación e o orgullo do pobo palestino ao longo de xeracións.
A “BANDEIRA DA SANDÍA”de Khaled Hourani
En 1967, tras a Guerra dos Seis Días, prohibiuse a bandeira palestina e a sandía converteuse nunha forma de burlar a prohibición das cores nacionais. Os cidadáns palestinos levaban anacos de sandía por todo o territorio como sinal de protesta.
En 1980 as forzas israelís arrestaron os artistas Nabil Anani, Sliman Mansour e Isam Bader e clausuraron a súa exposición nunha galería de Ramallah, por violar esta orde militar. Prohibíronlles non só pintar a bandeira palestina, senón tamén usar as súas cores na súa arte, “O oficial alzou a voz e dixo: incluso se debuxas unha sandía, será confiscada”, comentou Mansour.
Hourani inspirouse nesta frase e creou a obra “Watermelon Flag” para o proxecto artístico “Subjective Atlas of Palestine, 2007”.
O ano pasado, debido a unha maior censura de publicacións palestinas e relacionadas con Palestina, algúns activistas utilizaron emojis de sandía como alternativa visual á bandeira para evadir os algoritmos de censura sionistas e as prohibicións virtuais das redes sociais.
Novas
